काठमाडौं, चैत १४ :
राष्ट्रिय मानवअधिकार आयोगले संक्रमणकालीन न्यायसम्बन्धी आयोगमा आफ्नो सदस्य लिली थापालाई प्रतिनिधि पठाएसँगै समितिले पूर्णता पाएको छ ।
सरकारले गत साता पूर्वप्रधानन्यायाधीश ओमप्रकाश मिश्रको संयोजकत्वमा सिफरिस समिति गठन गरेको थियो । समितिमा पूर्वमहान्यायाधिवक्ता खम्मबहादुर खाती, पूर्वराजदूत डा. अर्जुनबहादुर कार्की र अधिकारकर्मी स्टेला तामाङ सदस्य छन् । आयोगले थापालाई सदस्यको रुपमा पठाएसँगै अब सिफारिस समितिले पूर्णता पाउने भएको हो ।
समितिमा एक सदस्यबाहेक सबै पुरानै पदाधिकारीहरू हुन् । यसअघि मानवअधिकार आयोगले सदस्य मनोज दवाडीलाई पठाएको थियो । अहिले दवाडीको ठाउँमा थापालाई पठाएको हो ।
