राष्ट्रिय स्वतन्त्र पार्टी (रास्वपा) का सभापति रवि लामिछानेले आफूमाथि अन्याय भएको भन्दै गिरफ्तारी दिन लागेको जनाएका छन् ।
अदालतको सम्मान गर्दै आजै गिरफ्तारी दिन लागेको लामिछानेले सामाजिक सञ्जालमार्फत बताएका छन् । उच्च अदालत बुटवलको तुलसीपुर इजलासले शुक्रबार उनलाई थुनामा पठाउने आदेश गरेको थियो ।
‘सम्मानित अदालतको आदेशको सम्मान गर्दै म आफैं आजै अहिले नै गिरफ्तारी दिँदै छु,’ लामिछानेले फेसबुकमार्फत भनेका छन्, ‘साथै न्यायलयका अन्य ढोकाहरू मेरा लागि खुला होलान् नै । न्यायका लागि दुनियाँका सबै ढोका ढकढकाउँछु ।’
उनले आफूमाथि अन्याय भएको पनि बताएका छन् । ‘ममाथि ठुलो अन्याय भएको छ,’ उनले भनेका छन् । उनले भोलि चितवनमा आयोजना गर्न लागेको कार्यक्रम नरोक्न पनि पार्टीपंक्तिलाई आग्रह गरेका छन् । ‘चितवनको सभा नरोक्नुस् ।’
रविलाई पक्राउ गर्न प्रहरीको टोली उनको निवासमा पुगेको छ ।
