रुपन्देही, चैत २५ :
सहकारी ठगी प्रकरणमा पक्राउ परेका राष्ट्रिय स्वतन्त्र पार्टी (रास्वपा) का सभापति रवि लामिछानेलाई जिल्ला अदालत रुपन्देही पुर्याइएको छ । अदालतको अनुमतिमा लामिछानेलाई कारागार चलान गरिएको हो ।
रास्वपाका सभापति एवं गोर्खा मिडिया नेटवर्कका तत्कालीन प्रबन्ध निर्देशक लामिछाने बुटवलको सुप्रिम सहकारी ठगी मुद्दामा पक्राउ परेका हुन् ।
अदालतमा उपस्थित गराएर प्रक्रिया पूरा भएसँगै उनलाई भैरहवा कारागार चलान गरिएको जिल्ला प्रहरी कार्यालय रुपन्देहीले जनाएको छ ।
उच्च अदालत तुलसीपुरको बुटवल इजलासको आदेशमा उनलाई शुक्रबार काठमाडौंबाट पक्राउ गरी शनिबार भैरहवा ल्याइएको थियो ।
