कोटेश्वरमा रहेको भाटभटेनी स्टोरबाट गत चैत १५ गते तीनकुनेमा भएको घटनाका क्रममा रक्सीको बोतल चोर्ने कुन सहमहामन्त्रीको छोरा हो ? भन्दै त्यो प्रमाणित गर्न चुनौती दिएको छ ।
नेपाली कांग्रेसका प्रमुख सचेतक श्यामकुमार घिमिरेले प्रतिनिधिसभामा आइतबार कांग्रेसका कुन सहमहामन्त्रीका कुन छोराले रक्सीको बोतल चोरेका हुन् त्यो प्रमाणित गर्नुपर्ने भन्दै राष्ट्रिय प्रजातन्त्र पार्टी (राप्रपा) का अध्यक्ष राजेन्द्र लिङ्देनलाई चेतावनी दिए ।
‘कुनचाहिँ सहमहामन्त्रीको कुनचाहिँ छोरोले रक्सीको बोतल बोकेर हिँड्नुभएको हो त्यो प्रमाण पेस गर्नुपर्छ । होइन भन्ने उहाँको भनाइ रेकर्डबाट हटाउनुपर्छ,’ प्रमुख सचेतक घिमिरेले संसद्मा भने ।
राप्रपा अध्यक्ष लिङ्देनले शुक्रबारको प्रतिनिधिसभा बैठकमा भाटभटेनीमा रक्सी चोर्नेमा कांग्रेस सहमहामन्त्रीका छोरा पनि रहेको प्रमाण आफूहरूसँग रहेको बताएका थिए ।
