अमेरिकी राष्ट्रपति डोनाल्ड ट्रम्पले राष्ट्रिय सुरक्षा सल्लाहकारबाट माइक वाल्ट्जलाई हटाएर संयुक्त राष्ट्रसंघका लागि राजदूतमा मनोनीत गर्ने निर्णय गरेका छन् ।
सामाजिक सञ्जालमा एक पोस्ट गर्दै ट्रम्पले वाल्ट्जलाई उनको कामका लागि धन्यवाद दिँदै उनको स्थानमा विदेशमन्त्री मार्को रुबियोलाई नियुक्त गरिने बताएका छन् ।
वाल्ट्जले एक पत्रकारलाई एक च्याट समूहमा समावेश गरेकोमा आलोचनाको सामना गर्नुपरेको थियो । जहाँ संवेदनशील सैन्य योजनाहरू छलफल गरिएको थियो ।
फ्लोरिडाका पूर्व सांसद ट्रम्पको दोस्रो कार्यकालमा ह्वाइट हाउस छोड्ने प्रशासनका पहिलो वरिष्ठ सदस्य हुन् ।
ट्रम्पले ट्रुथ सोसलमा लेखेका छन्, “युद्धभूमिमा, कंग्रेसमा र मेरो राष्ट्रिय सुरक्षा सल्लाहकारको हैसियतमा युनिफर्ममा रहँदा देखि नै माइक वाल्ट्जले राष्ट्रको हितलाई पहिलो स्थानमा राख्न कडा मेहनत गरेका छन् । मलाई थाहा छ कि उनले आफ्नो नयाँ भूमिकामा पनि त्यस्तै गर्नेछन् ।
वाल्ट्जले एक्समा लेखेका छन्,'राष्ट्रपति ट्रम्प र हाम्रो महान् राष्ट्रका लागि आफ्नो सेवा जारी राख्न पाउँदा म निकै गौरवान्वित छु ।
