काठमाडौं, वैशाख २५ :
मन्त्रिपरिषद्को बैठक बस्ने भएको छ ।
प्रधानमन्त्री केपी शर्मा ओलीले आज (बिहीबार) अपराह्न ५ बजे मन्त्रिपरिषद् बैठक बोलाएक हुन् ।
प्रधानमन्त्रीको सरकारीनिवास बालुवाटारमा मन्त्रिपरिषद् बैठक बस्ने प्रधानमन्त्री ओलीको सचिवालयले जानकारी दिएको छ ।
प्रधानमन्त्रीको सचिवालयका अनुसार बैठकमा संसद्मा जारी आगामी आर्थिक वर्षको नीति तथा कार्यक्रममाथिको छलफल, सरकारका नियमित कामकारबाहीबारे समीक्षा, समसामयिक विषयका साथै राष्ट्र बैंकमा गभर्नर नियुक्तिलगायत विषयमा छलफल हुनेछ ।
