हमासद्वारा मुक्त गरिएपछि अमेरिकी-इजरायली बन्धकको परिवारसँग पुनर्मिलन

१९ महिनासम्म हमासले गाजामा बन्धक बनाएपछि इजरायली-अमेरिकी बन्धक एडान अलेक्ज्याण्डरको इजरायलमा आफ्नो परिवारसँग पुनर्मिलन भएको छ।

२१ वर्षीय अलेक्ज्याण्डर इजरायली सेनामा गाजाको सिमानामा सेवा गरिरहेका थिए। उनलाई ७ अक्टोबर २०२३ मा हमासका लडाकुहरूले पक्राउ गरेका थिए।

सोमबार  इजरायलले स्थानान्तरणलाई सहज बनाउन गाजामा आफ्नो सैन्य कारबाही केही घण्टाका लागि रोकेको थियो । रिहाइ सद्भावना संकेतको रूपमा र मंगलबार अमेरिकी राष्ट्रपति डोनाल्ड ट्रम्पको मध्यपूर्व भ्रमण अघि नयाँ युद्धविराम सम्झौतामा पुग्ने प्रयासको एक भागको रूपमा गरिएको थियो।

अलेक्ज्याण्डर हमासले बन्धक बनाएका अन्तिम अमेरिकी नागरिक हुन् ।राष्ट्रपति ट्रम्पले आफ्नो परिवारलाई रिहाइको लागि बधाई दिएका छन् ।

एक विज्ञप्ति जारी गर्दै उनको परिवारले अमेरिकी राष्ट्रपतिलाई धन्यवाद दिदै इजरायली सरकार र वार्ताकारहरूलाई बाँकी ५८ बन्धकहरूलाई मुक्त गर्न काम जारी राख्न आग्रह गरे।

दुई महिनाको युद्धविराम समाप्त भएपछि अलेक्ज्याण्डर १८ मार्चमा इजरायलले आफ्नो सैन्य आक्रमण पुनः सुरु गरेपछि हमासद्वारा मुक्त गरिएका पहिलो बन्धक हुन् ।  

सोमबार दक्षिणी गाजा शहर खान युनिसमा रेडक्रसका कार्यकर्ताहरूलाई उनलाई हस्तान्तरण गर्दा उनी नकाबधारी हमास लडाकुहरूसँग देखिए।

त्यसपछि उनलाई दक्षिणी इजरायलमा उनको परिवारसँग पुनर्मिलन गर्नु अघि गाजामा इजरायली अधिकारीहरूलाई हस्तान्तरण गरिएको थियो। इजरायली सेनाले अलेक्ज्याण्डरको रिहाइको लागि सुरक्षित करिडोर प्रदान गरेको बताएको छ।