तनहुँ, जेठ ६ :
रुकुम पश्चिमबाट आएको बस बन्दीपुर नगरपालिका–१ डुम्रे नजिकै टिपरसंग आज बिहान ठोक्किदा सात जना घाइते भएका छन् ।
घाइते हुनेहरुमा दुर्घटनामा रुकुम पश्चिम मुसिकोट नगरपालिका-का ३५ वर्षीय चन्द्रबहादुर रावल,बाँकेकोट गाउँपालिका ७ का ४९ वर्षीय हरिसचन्द्र खत्री,बस चालक नुवाकोटका ३० वर्षीय संजोग नेपाली,सानीभेरी नगरपालिका-४ की १७ वर्षीया बिन्दु वली,५० वर्षीय भद्रबहादुर वली, टिपर चालक तनहुँका ४४ वर्षीय शंकर अधिकारी र ३५ वर्षीया शर्मिला पाण्डे रहेका छन् ।
घाइतेहरुको लक्ष्मी अस्पताल डुम्रेमा उपचार भइरहेको छ ।
