काठमाडौं, जेठ १२ :
नेपाली कांग्रेसले पदाधिकारी बैठक बोलाएको छ । आज (सोमबार) बिहान ९ बजे बस्ने गरी पार्टी सभापति शेरबहादुर देउवाले पदाधिकारी बैठक बोलाएका हुन् ।
कांग्रेस मुख्यसचिव कृष्णप्रसाद पौडेलका अनुसार क्रियाशील सदस्यताको विषयमा छलफल गर्न सभापति देउवाले बैठक बोलाएका हुन् ।
महामन्त्री गगन थापाले क्रियाशील सदस्यता नवीकरणको अवस्थाबारे जानकारी गराउन बैठक डाकिएको हो । थापा सदस्यता व्यवस्थापन समिति संयोजकसमेत हुन् ।
सभापति देउवाको निजी निवास बूढानीलकण्ठमा बस्ने पदाधिककारी बैठकमा समसायिक राजनीतिक घटनाक्रमबारे पनि छलफल हुनेछ।
पार्टीतर्फबाट गृहमन्त्री बनेका रमेश लेखक घुस प्रकरणमा जोडिएको विषयमा पनि बैठकमा छलफल हुने जनाइएको छ । पार्टीका कतिपय नेताहरुले मन्त्री लेखकको राजीनामा मागिरहेका छन् ।
