काठमाडौं, जेठ २९ :
प्रहरीले पत्रकार दिलभूषण पाठकलाई नभेटेपछि उनका सहकर्मी नारायण अर्याललाई पक्राउ गरेको छ ।
नेपाल प्रहरीले अर्याललाई कुपन्डोलस्थित उनको डेराबाटै पक्राउ गरेको हो । पाठकले बनाएको भिडियो र त्यसविरुद्ध साइबर ब्युरोमा परेको उजुरीका आधारमा उनीविरुद्ध पक्राउ पुर्जी जारी भएको थियो ।
पक्राउ पुर्जी लिएर बुधबारदेखि पाठकको घरमा पुगेको प्रहरीले नभेटेपछि बिहीबार सहकर्मी अर्याललाई पक्राउ गरेको हो ।
पाठकले नेपाली कांग्रेसका सभापति शेरबहादुर देउवा र परराष्ट्रमन्त्री आरजु राणा देउवाका पुत्र जयवीर देउवाको लगानी हिल्टन होटेलमा रहेको विषय युट्युब च्यानलमार्फत उठाएका थिए ।
