काठमाडौं, असार १३ :
पूर्वराजा ज्ञानेन्द्र शाहले आफ्नो ७९औं जन्मदिनका अवसरमा सबैसँग सार्वजनिक रुपमा भेटवार्ता गर्ने भएका छन् ।
उनको बर्थ डे असार २३ गते हो । ज्ञानेन्द्रको सचिवालयका अनुसार जन्मदिनका अवसरमा निर्मल निवासमा विशेष समारोह आयोजना गरिनेछ ।
पूर्वराजाका संवाद सचिव डा. फणिराज पाठकका अनुसार कार्यक्रम बिहान ११ बजेदेखि दिउँसो २ बजेसम्म सञ्चालन हुनेछ।
समारोहमा सर्वसाधारणको सहभागिता खुला रहने र त्यस अवसरमा उपस्थित सबैसँग पूर्वराजा शाहले शुभकामना आदानप्रदान तथा अभिवादन स्वीकार गर्ने कार्यक्रम रहेको सचिवालयले जनाएको छ ।
