काठमाडौं, असार १९ :
एसीसी पुरुष यू-१६ इस्ट जोन कपको फाइनल प्रवेशका लागि मलेसियाले नेपाललाई ९१ रनको सामान्य लक्ष्य दिएको छ ।
मलेसियाको क्वालालाम्पुरस्थित सेलेङगोर टर्फ क्लबमा पहिले ब्याटिङ गरेको मलेसिया ९० रनमा समेटिएको हो ।
यो खेलमा विजयी भए नेपालले दोस्रो सेमिफाइनलको विजेतासँग उपाधिका लागि प्रतिस्पर्धा गर्नेछ ।
समूह चरणमा नेपालले भुटानलाई २९८, इन्डोनेसियालाई ३७० रनले हराएको थियो । जापानमाथि ९ विकेट र सिंगापुरमाथि ६ विकेटको जित दर्ज गरेको थियो । आजको खेलको विजेताले दोस्रो सेमिफाइनलको विजेतासँग उपाधिका लागि प्रतिस्पर्धा गर्नेछ ।
आजै हुने दोस्रो सेमिफाइनलमा हङकङ र सिंगापुर प्रतिस्पर्धा गर्दै छन् ।
