काठमाडौं, असोज २३ :

नेपाली कांग्रेसको पार्टी पदाधिकारी तथा पूर्वपदाधिकारी बैठक सुरु भएको छ । पार्टी केन्द्रीय कार्यालय सानेपामा केहीबेर अघिबाट बैठक बसिरहेको छ । 

पार्टी सभापति शेरबहादुर देउवाले बैठकको आह्वान गरेको भएपनि उनी भने बैठकमा सहभागी  छैनन् । सुरक्षा र स्वास्थ्य अवस्थालाई ख्याल गर्दै सभापति देउवा बैठकमा सहभागी नभएको बताइएको छ ।

देउवाको अनुपस्थितिमा पार्टी उपसभापति पूर्णबहादुर खड्काले बैठक सञ्चालन गरेका छन् । यो बैठकले यही असोज २६ गते बस्ने पार्टी केन्द्रीय समितिको बैठकका एजेण्डा तय गर्ने जनाइएको छ ।