काठमाडौं, कात्तिक ३ :
गृहमन्त्री ओमप्रकाश अर्यालले पूर्वप्रधानमन्त्री एवं नेकपा एमाले अध्यक्ष केपी ओली कानुनभन्दा माथि नरहेको बताएका छन् ।
सिंहदरबारमा सोमबार पत्रकारहरुको प्रश्नको जवाफ दिने क्रममा उनले यस्तो बताएका हुन् । पूर्वप्रधानमन्त्री ओलीले भदौ २३ र २४ गतेको घटनालाई लिएर आफूलाई पक्राउ गर्न सरकारलाई चुनौती दिएका थिए । गृहमन्त्री अर्यालले ओलीको उक्त चुनौतीलाई कानुन मान्दिन भनेको भन्ने संज्ञा दिए । उनले पहिला केपी ओली कानुनभन्दा माथि भएपनि अब नभएको बताए ।
उनले भने, ‘यो चाहीँ कानुन मान्दिन भनेको हो, उहाँले । केपी ओली मात्रै कानुनभन्दा माथी बस्ने पहिलाको चाँही त्यस्तो थियो । अहिले हुँदैन ।’
उनले केपी ओलीलाई उपत्यकाका नछाड्न सरकारले नभई भदौ २३ र २४ गतेको घटना छानबिन गर्न बनेको आयोगले भनेको बताए।
