काठमाडौं, कात्तिक २४ :
ऊर्जामन्त्री कुलमान घिसिङ नेतृत्वको नयाँ राजनीतिक दलको नाम ‘उज्यालो नेपाल’ रहने भएको छ। आइतबार राति बसेको बैठकले सो नाममा निर्वाचन आयोगमा दर्ता गर्ने सहमति गरेको हो।
पूर्वसचिव अनुपकुमार उपाध्यायको संयोजकत्वमा ५१ सदस्यीय तदर्थ केन्द्रीय कमिटी गठन गरेर आयोगमा दर्ता प्रक्रिया सुरु गरिने भएको छ। पार्टीको चुनाव चिन्ह ‘बिजुलीको चिम’ रहनेछ।
सम्भव भएसम्म आजै नभए भोलि आयोगमा दर्ता गरिने जनाइएको छ । सुमना लगायतका अन्य केही पदाधिकारीहरू पछि दोस्रो चरणमा जोडिने बताइएको छ।हाल पार्टीको केन्द्रीय कमिटीमा रहने सदस्यहरूको नाम टुंगो लगाउने छलफल जारी रहेको बताइएको छ।
