काठमाडौं, कात्तिक २६ :
नागरिक उन्मुक्ति पार्टी नेपाल निर्वाचन आयोगमा आधिकारिक रूपमा दर्ता भएको छ। कवीर सोप अध्यक्ष रहेको उक्त पार्टीले १३ कात्तिकमा दल दर्ताका लागि आयोगमा निवेदन दिएको थियो। आयोगले आवश्यक प्रक्रिया पूरा गरी पार्टीलाई दर्ता प्रमाणपत्र प्रदान गरेको हो।
चुनाव चिह्न ‘जाँतो’ रहेको नागरिक उन्मुक्ति पार्टी हालैको जेनजी आन्दोलनपछि दर्ता हुने पाँचौं राजनीतिक दल बनेको छ। यसअघि हर्क साम्पाङको श्रम संस्कृति पार्टी, गतिशील लोकतान्त्रिक पार्टी, नेपाल जनमुक्ति पार्टीबाट फुटेको राष्ट्रिय जनमुक्ति पार्टी, र सीके राउतको जनमत पार्टीबाट विभाजन भएको जनस्वराज पार्टी आयोगमा दर्ता भइसकेका छन्।
निर्वाचन आयोगका अनुसार हालसम्म कुल १२६ राजनीतिक दल दर्ता भइसकेका छन्। साथै, नयाँ दर्ताका लागि २९ दलले निवेदन दिएको आयोगले जानकारी दिएको छ।
