नेकपा एमालेका उपाध्यक्ष सुरेन्द्र पाण्डेले पार्टीमा दुई कार्यकालको विषयलाई अनावश्यक बखेडा नबनाउन अध्यक्ष केपी ओलीलाई आग्रह गरेका छन् ।
शुक्रबार काठमाडौंमा आयोजित एमाले महाधिवेशन केन्द्रीत युवा भेलामा पाण्डेले कार्यकालका बारेमा अध्यक्ष ओलीले दुई वटा धारणा राखेको भन्दै नैतिकताका लागि पनि दुई कार्यकालको विषयलाई अनावश्यक बखेडा नबनाउन आग्रह गरेका हुन् ।
पार्टी भित्र स्वस्थ बहसबाट दुई कार्यकालको बिषयलाई टुङ्गो लगाउनुपर्ने उनले बताए । उनले अब युवाको शक्तिबिना पार्टी अघि बढ्न नसक्ने भन्दै यसलाई यथार्थलाई परिणत गर्न महाधिवेशनले आवश्यक निर्णय लिनुपर्नेमा जोड दिए ।
देश र पार्टी संकटमा रहेकाले नयाँ ढंगले समाधान गर्न पार्टीको नेतृत्व परिवर्तन हुनुपर्ने उनले बताए ।
उनले महाधिवेशनमा सूचना टाँस गरेर नेता चयन गर्ने परिपाटीलाई अन्त्य गर्दै लोकतान्त्रीक विधिद्वारा कार्यकर्ताले आफ्नो नेता चयन गर्न पाउनुपर्नेमा जोड दिए ।
