आज उम्मेदवारी मनोनयन र अन्तिम नामावली प्रकाशन, भोली निर्वाचन

नेकपा एमालेको ११ औँ महाधिवेशनको बन्द शत्र अन्तर्गत आज केन्द्रीय समितिका लागि उम्मेदवारहरूलाई दरखास्त फारम वितरण,उम्मेदवारी मनोनयन र अन्तिम नामावली प्रकाशन हुने कार्यतालिका रहेको छ ।

आज उम्मेदवारका आकांक्षीले बिहान १०:३० बजेदेखि दिउँसो १:३० बजेसम्म उम्मेदवारहरूको दरखास्त फाराम दर्ता गर्ने कार्यसूची छ । यसका लागि केन्द्रीय निर्वाचन आयोगले बिहान १०:१५ बजे अन्तिम मतदाता नामावली प्रकाशन गर्ने छ ।

दिउँसो २:३० बजे उम्मेदवारको प्रारम्भिक नामावली प्रकाशन गरिने भएको छ भने उम्मेदवार विरुद्ध उजुरी दिने समय दिउँसो २:३० बजेदेखि ३ बजेसम्म तोकिएको छ ।

सबै प्रक्रिया पूरा भएपछि साँझ ६ बजे उम्मेदवारहरूको अन्तिम नामावली प्रकाशन हुने भएको छ ।

भोली बिहान ११ बजेदेखि साँझ ५ बजेसम्म मतदानको कार्यतालिका छ ।

शनिबार सल्लाघारीमा उद्घाटन शत्र भएको महाधिवेशनको बन्द शत्र हिजोदेखि भृकुटीमण्डपमा जारी छ ।