ओली टिमको उम्मेदवार सूची सार्वजनिक, को–को परे?

नेकपा (एमाले) को ११औँ महाधिवेशनअन्तर्गत संस्थापन पक्षले नेतृत्व टिमको उम्मेदवारको सूची टुंगो लगाएको छ। अध्यक्षमा वर्तमान अध्यक्ष केपी शर्मा ओलीसहित पदाधिकारी तथा केन्द्रीय सदस्यका उम्मेदवार बनेका छन्।

उपाध्यक्ष पदका लागि पाँच जनालाई उम्मेदवार बनाइएको छ। उपाध्यक्षमा विष्णु पौडेल, रामबहादुर थापा, गुरु बराल, पृथ्वीसुब्बा गुरुङ र प्रदीप ज्ञवाली रहेका छन्। महासचिव पदमा शंकर पोखरेल दोहोरिएका छन्। त्यसैगरी, उपमहासचिवमा रघुबीर महासेठ, भानुभक्त ढकाल र विष्णु रिमाल उम्मेदवार बनेका छन्।

सचिव पदका लागि लेखराज भट्ट, पद्मा अर्याल, छबिलाल विश्वकर्मा, खगराज अधिकारी, यामलाल कँडेल, शेरधन राई, हिक्मत कार्की, महेश बस्नेत र राजन भट्टराई उम्मेदवार रहेका छन्। एमाले महाधिवेशनमा नेतृत्व चयनलाई लिएर आन्तरिक प्रतिस्पर्धा तीव्र बनेको छ। ईश्वर पोखरेल समूहले पनि पदाधिकारीहरुको प्यानल टुंगो लगाइसकेको छ ।