काठमाडौं, माघ १ :
विशेष महाधिवेशनबाट सभापतिमा चयन भएका गगनकुमार थापासहित तीनजनाको तस्बिर नेपाली कांग्रेस पार्टीको आधिकारिक वेबसाइटबाट हटाएको छ। देउवा पक्षले महामन्त्री थापा, उपसभापति विश्वप्रकाश शर्मा र सहमहामन्त्री फरमुल्ला मन्सुरको नाम र तस्बिर वेबसाइटबाट हटाएको हो।
भृकुटीमपण्डामा सम्पन्न दोस्रो विशेष महाधिवेशनबाट शर्मा उपसभापति र मन्सुर सहमहामन्त्रीमा सर्वसम्मत चयन भएका थिए ।त्यसअघि उनीहरूलाई बुधबार बसेको कांग्रेस केन्द्रीय कार्यसमिति देउवा पक्षको बैठकले तत्कालीन महामन्त्री थापासँगै ५ वर्षका लागि साधारण सदस्यसमेत नरहने गरी पार्टीबाट निस्कासित गरेको थियो ।
यता विशेष महाधिवेशनबाट नयाँ नेतृत्व चयन गरेका पक्ष भने पाटीको अभिलेख अद्यावधिक गर्न निर्वाचन आयोग जाने तयारी गरिरेहेको छ ।
