डब्लुबीसी मोइथाई नेपालको आयोजनामा काठमाडौंमा इएफएस फाइट नाइट सेभेन आयोजना हुने भएको छ । डब्लुबीसी मोइ थाई नेपालले आइतबार काठमाडौंमा पत्रकार सम्मेलन गर्दै आगामी जेनेवरी ३१ तारिकका दिन मितेरी स्पोटर्स हव, बुढानिलकण्ठमा इएफएस फाइट नाइट सेभेन आयोजना गर्न लागिएको जनाएको हो ।
राष्ट्रियस्तरको उक्त प्रतियोगितामा नेपालका सात वटै प्रदेश र २४ जिल्लाका १५ जिमबाट ७० खेलाडीहरु सहभागी हुनेछन् । त्यसैगरि भारतबाट पनि अन्तराष्ट्रिय सहभागीता रहने आयोजकले जनाएको छ । त्यस्तै प्रतियोगितामा डब्लुबीसी मोइ थाई राष्ट्रिय उपाधिका लागि गुमन घर्तिमगर, कर्ण बहादुर मगराती, आलिश बोम्जोम र लाक्पा तामाङ प्रतिष्पर्धामा उत्रनेछन् । विजेतालाई ५० हजार नगद पुरस्कारसहित डब्लुबीसी मोइ थाई उपाधि बेल्ट प्रदान गरिने समेत आयोजकले जानकारी दिएको छ ।
उक्त प्रतियोगीता डिश होमको एन्सन स्पोटर्स र डिश होम गो एपबाट प्रत्यक्ष प्रसारण हुने डब्लुबीसी मोइ थाई नेपालका अध्यक्ष राजु राइले जानकारी दिए ।
