काठमाडौै, फागुन १३ :
आगामी निर्वाचनलाई लक्षित गरी झापा- ५ को सुरक्षा व्यवस्था कडा पारिएको छ।
झापा जिल्ला प्रहरी प्रमुख एसपी बसुन्धरा खड्काका अनुसार निर्वाचनलाई लक्षित गरी जिल्लामा साविकको तुलनामा तीन गुणा बढी प्रहरी थप गरिएको छ।गृहमन्त्रालयले निर्वाचनका लागि पाँच जना डीएसपीसहित दुई हजारभन्दा बढी सुरक्षाकर्मी झापा-५ मा तैनाथ गरेको छ।
अहिले गौरीगञ्ज, गौरादह र कमल गाउँपालिकामा पनि डीएसपीकै कमाण्डमा सुरक्षाकर्मीहरू तैनाथ भएका छन्। पूर्वप्रधानमन्त्री समेत रहेका नेकपा एमालेका अध्यक्ष केपी शर्मा ओली र रास्वपाका वरिष्ठ नेता बालेन शाह चुनावी मैदानमा रहेका कारण गृह मन्त्रालयले त्यस क्षेत्रको सुरक्षालाई विशेष प्राथमिकतामा राखेको हो। झापासँगै सरकारले देशभरका सातै प्रदेशमा नेपाल प्रहरी र सशस्त्र प्रहरी बल (एपीएफ)बाट अतिरिक्त टोली परिचालन गरेको छ।
