‘राप्रपाले सरकारलाई सदैव खबरदारी गरिरहने’

राष्ट्रिय प्रजातन्त्र पार्टी (राप्रपा)का सांसद ज्ञानेन्द्र शाहीले देश र जनताको मुद्दालाई अघि बढाउन आफ्नो पार्टीको सहयोग हुने बताएका छन् ।

बिहीबार संसद भवन सिंहदरबारमा सञ्चारकर्मीसंग कुरा गर्दै शाहीले मुलुकमा भ्रष्टाचार अन्त्यका साथै सुशासन कायम गर्नेसहित देश र जनताको मुद्दालाई अघि बढाउन आफ्नो पार्टीको सहयोग हुने बताएका हुन्। 

उनले अबको संसद पहिलेको संसद जस्तो नहुने आफ्नो विश्वास रहेको बताए । उनले अब बन्ने करिब दुईतिहाई नजिकको सरकारलाई राप्रपाले सदैव खवरदारी गरिरहने धारणा राखे । उनले जाँचबुझ आयोगको प्रतिवेदन कार्यान्वयन गर्दै जोसुकै भएपनि कारबाहीको दायरामा ल्याउनुपर्नेमा जोड दिए ।