काठमाडौं, चैत १८ :
नेपाली कांग्रेसका नेता एवम् पूर्वमन्त्री दीपक खड्का र लुम्बिनी प्रदेशकी प्रदेश सांसद रेखा शर्मालाई रिहा गर्न सर्वोच्चले अस्वीकार गरेको छ।बुधबार बन्दीप्रत्यक्षीकरणको रिटमा सुनुवाइ गर्दै सर्वोच्चले कारण देखाऊ आदेश जारी गरेको हो।
गैरकानुनी रुपमा हिरासतमा राखिएकाले रिहा गर्न आदेश माग गर्दै खड्काको तर्फबाट पत्नी विनिता थापा र शर्माको तर्फबाट उनका श्रीमान् चिन्तामणि शर्माले बन्दी प्रत्यक्षीकरण रिट दायर गरेका थिए।
खड्कालाई प्रहरीको केन्द्रीय अनुसन्धान ब्युरो सीआईबीले सम्पत्ति शुद्धीकरणको कसुरमा अनुसन्धानका लागि पक्राउ गरेको हो। शर्मालाई घरेलु हिंसा सम्बन्धी कसुरमा अनुसन्धान गर्न भन्दै पक्राउ गरिएको छ।
