गृहमन्त्रीले सुनसरी घटनाका पीडित परिवारसँग गरेको सहमतिप्रति एमालेले उठायो प्रश्न

नेकपा एमालेका सांसद गुरुप्रसाद बरालले सुनसरी लगाएतका घटनामा पीडित परिवारसँग गृहमन्त्रीले गरेको सहमतिप्रति प्रश्न उठाएका छन् ।

मंगलबार प्रतिनिधिसभा बैठकमा सांसद बरालले संवैधानिक प्रक्रिया, कानुनी प्रक्रिया, विगतका चलन र अभ्यासहरूभन्दा माथि उठेर गृहमन्त्रीले सहमति गरेको भन्दै प्रश्न उठाएका हुन् । 

उनले  गृहमन्त्रीले मृतकहरूका परिवारलाई भेटेर सहमति गरेपनि उनीहरूको मनलाई जित्न नसकेको उल्लेख गरे । सुनसरी घटनाको छानबिन गर्दा न्यायिक समितिको तर्फबाट छानबिन गर्नुपर्नेमा सरकारले गठन गरेको समितिले निष्पक्ष छानबिन गर्न नसक्ने उनले बताए ।

उहाले दिर्घकालीन रुपमा नै शान्ति सुव्यवस्था व्यवस्थित गर्ने काममा केन्द्रीत हुन सरकारको ध्यानाकर्षण गराए।