काठमाडौं, माघ ४ :
ऊर्जा, जलस्रोत तथा सिंचाइमन्त्री दीपक खड्कामाथि मन्त्रालयभित्रै हातपात भएको खबर सार्वजनिक भएको छ । मन्त्री खड्कामाथि गत शुक्रबार भएको हातपातको यो घटना आज (बिहीबार) मात्रै सार्वजनिक भएको हो ।
पार्टीले डाकेको मन्त्रीहरुको बैठकमा आफ्नो कुरा राख्ने क्रममा मन्त्री खड्काले बताएपछि मात्र हातपात गरेको भन्ने खबर बाहिरिएको हो ।
मन्त्री खड्काले आफूमाथि गोरखाका पोखरेल थरका एक व्यक्तिले दुर्व्यवहार गरेको भन्दै ती व्यक्तिमा मानसिक समस्या देखिएको हुँदा छाडिएको बताए । सुरक्षाकर्मीहरूले उक्त व्यक्तिलाई तत्कालै नियन्त्रणमा लिएका थिए ।
