बुटवलको सुप्रिम सहकारीको रकम संगठित रूपमा अपचलन गरेको मुद्दामा राष्ट्रिय स्वतन्त्र पार्टीका निलम्बित सभापति रवि लामिछाने दोस्रो दिन रूपन्देही अदालतमा उपस्थित भएका छन् ।
जिल्ला न्यायाधीश प्रल्हादकुमार योगीको इजलासमा आजबाट थुनछेक बहस सुरु भएको ।लामिछानेको बयान हिजो नै सकिएको छ ।
थुनछेक बहसमा सरकारी वकिलका तर्फबाट उच्च सरकारी वकिलको कार्यालय बुटवलका प्रमुख सह-न्यायाधिवक्ता सोमकान्ता भण्डारी, जिल्ला सरकारी वकिल कार्यालयका प्रमुख प्रेमराज पौडेल, न्यायाधिवक्ता उमाकुमारी केसी, गोकर्णराज घिमिरे, वसन्तराज पोखरेल लगायतले बहस गर्ने छन्।
पक्ष र विपक्षका वकिलहरुले बहस गरेपछि थुनछेकको आदेश हुने बताइएको छ । लामिछानेसहित २२ जनाविरुद्ध माघ ६ मा पुरक अभियोजन दर्ता भएको थियो ।सुप्रिम सहकारीमा जम्मा ४२ जना प्रतिवादी भएका छन् । उनीहरुलाई ठगी र संगठित अपराध कसुरको मुद्दा लगाइएको छ ।
कात्तिक २ मा पक्राउ परेका लामिछाने यसअघि पोखराको सूर्यदर्शन सहकारी ठगीमा ६५ लाख र काठमाडौंको स्वर्णलक्ष्मी सहकारी ठगीमा ६० लाख रुपैयाँ धरौटी बुझाएर छुटेका छन्।
