अमेरिका वासिङ्टन डिसीमा अमेरिकन एयरलाइन्सको एउटा विमान हेलिकप्टरसँग ठोक्किएर दुर्घटना भएको फेडरल एभिएसन एडमिनिस्ट्रेसन (एफएए)ले जनाएको छ ।
सो दुर्घटना पोटोम्याक नदीमा भएको बताईएको छ । वासिङ्टन नजिकैको रोनाल्ड रेगन नेसनल एयरपोर्टमा अवतरण गर्ने क्रममा ६० जना यात्रु र चालक दलका चार सदस्य बोकेको विमान सेनाको हेलिकप्टरसँग ठोक्किएो हो ।
विमानमा ६० जना यात्रु र चालक दलका चार सदस्य सवार रहेको र तीन जना अमेरिकी सैनिक सैनिकको हेलिकप्टरमा सवार रहेको बीबीसीले उल्लेख गरेको छ ।
प्रहरी गोताखोर र डुङ्गाहरूले बाँचेकाहरूको खोजी गरिरहेका छन् । दुर्घटनाको अमेरिकी अधिकारीहरूले अनुसन्धान गरिरहेका छन्।
स्थानीय समयअनुसार राति करिब ९ बजे रेगन वासिङ्टन राष्ट्रिय विमानस्थलको रनवेमा दुर्घटना भएको हो ।
अमेरिकी राष्ट्रपति डोनल्ड ट्रम्पले भयानक दुर्घटना बारे आफूलाई जानकारी दिइएको र आपतकालीन उद्धारकर्ताहरूलाई उनीहरूको अविश्वसनीय कामका लागि धन्यवाद दिएका छन्।
