राष्ट्रिय स्वतन्त्र पार्टी (रास्वपा) का सभापति रवि लामिछानेलाई थुनामै राख्न माग गर्दै उच्च अदालत पाटनमा निवेदन दायर भएको छ।
जिल्ला अदालत काठमाडौँको ६० लाख धरौटीमा रिहा गर्ने आदेश बदर गरी रविसहित चारै जनालाई थुनामै पठाउन माग गर्दै उच्च सरकारी वकिल कार्यालय पाटनले मुद्दा दायर गरेको हो।
स्वर्णलक्ष्मी सहकारी ठगीकै आरोपमा रविसहित पूर्वडीआईजी छविलाल जोशी, लेखा समिति सदस्य सुनिता नेवा र कर्जा उपसमितिका सदस्य कमल लामालाई थुनामा राख्न माग गरिएको छ।
त्यस सहकारी ठगी आरोपमा चारै जनालाई धरौटीमा रिहा गर्न काठमाडौं जिल्ला अदालतबाट आदेश भएको थियो।सूर्यदर्शन सहकारीको ठगी मुद्दामा पनि उनलाई पुर्पक्षका लागि थुनामै राख्न माग गरिएको छ।
यसअघि लामिछानेलाई कास्की जिल्ला अदालतले ६५ लाख धरौटीमा रिहा गर्न आदेश दिएको थियो। उक्त आदेशविरुद्ध पनि उच्च अदालत पोखरामा मुद्दा दायर भएको छ।
