नेपाल प्रहरीको ३१ औं प्रमुखमा दीपक थापा नियुक्त भएका छन्।
बालुवाटारमा आज बसेको मन्त्रिपरिषद् बैठकले एआईजी थापालाई प्रहरी महानिरीक्षक (आईजीपी) मा नियुक्त गर्ने निर्णय गरेको हो ।
वर्तमान आईजीपी वसन्तबहादुर कुँवर अनिवार्य अवकाश हुने एक दिन अगावै सरकारले प्रहरी प्रमुख नियुक्ति गरेको हो । कुँवर आज राति १२ बजेपछि अनिवार्य अवकासमा जाँदैछन् ।
आईजीपीको दाबेदारमा एआईजी थापा, राष्ट्रिय प्रहरी प्रशिक्षण प्रतिष्ठानका प्रमुख सुदीप गिरी र काठमाडौँ उपत्यका प्रहरी कार्यालय रानीपोखरीका प्रमुख टेकबहादुर तामाङ प्रतिस्पर्धामा थिए।
हालका सीआईबी प्रमुख थापाले यसअघि काठमाडौँ उपत्यका प्रहरी कार्यालय रानिपोखरी र एआईजीमा बढुवा भएपछि प्रशासन विभाग प्रमुखका रूपमा काम गरिरहेका छन्। थापा २०८२ भदौ १९ गतेसम्म सेवामा रहनेछन्। ३० वर्षे सेवा अवधि हट्ने गरी ल्याइएको विधेयक संसद्बाट पारित भएमा उनको सेवा अवधि थप हुन सक्नेछ।
