काठमाडौं, चैत १० :
प्रमुख दलका शीर्ष नेताहरुको बैठक भोलि (सोमबार) बस्ने भएको छ । संक्रमणकालीन न्यायबारे दलहरुबीच छलफल हुने बुझिएको छ ।
माओवादीको तराई-मधेस जागरण अभियानमा व्यस्त रहेका अध्यक्ष पुष्पकमल दाहाल फर्किएसँगै दलहरुबीच संक्रमणकालीन न्यायमाथिको विवाद टुंग्याउने गरी दलहरुबीच छलफल हुन लागेको हो ।
संक्रमणकालीन न्यायका बारेमा अवरुद्ध प्रक्रिया अघि बढाउने प्रयास स्वरुप तीन दलका शीर्ष नेताहरुको बैठक सोमबार बोलाइएको हो ।
बैठकमा राजावादीहरुको प्रदर्शन र पूर्वराजा ज्ञानेन्द्र शाहाको सक्रियता लगायतकाबारेमा पनि छलफल हुने बुझिएको छ ।
