सेयर बजारमा करेक्सन देखिएको छ । अघिल्लो दिन झन्डै चार अंकले घटेको नेप्से साताको चौथो कारोबार दिन आज (बुधबार) भने ९.६६ अंकले बढेर २,६७६.२८ अंकमा रोकिएको छ । साथै ‘क’ वर्गका कम्पनीको कारोबार मापन गर्ने सेन्सिटिभ इन्डेक्स पनि १.४४ अंकले बढेर ४४६.२२ अंकमा पुगेको छ ।
नेप्सेमा आज ३१७ कम्पनीको ४५ हजार ९४ पटकको कारोबारमा एक करोड ७३ हजार आठ सय २२ कित्ता सेयर किनबेच भए । जसकारण चार अर्ब ४८ करोड ४६ लाख लाख १९ हजार सात सय ४० रुपैयाँको कुल कारोबार भएको छ ।
नेप्सेमा आज १३ समूहको सेयर कारोबार भएकामा दुईवटाको सूचक घटेर बाँकीको बढेका छन् । जसमध्ये वाणिज्य बैंक समूहको सूचक ०.५२ अंकले घटेर १,३५९.३१ अंकमा झरेको छ भने व्यापार समूहको सूचक १९.११ अंकले घटेको छ । यीबाहेक सबै समूहका सूचक बढेका छन् ।
नेप्सेमा आज बढी कमाउने कम्पनीको सूचीको पहिलो स्थानमा नेपाल माइक्रो इन्स्योरेन्स कम्पनी लिमिटेड परेको छ । बढी गुमाउने कम्पनीको सूचीमा सिन्धु विकास बैंक अगाडि छ । साथै बढी रकम कारोबार गर्ने कम्पनीको सूचीमा भने एनआरएन इन्फ्रास्ट्रक्चर डेभलपमेन्ट लिमिटेड छ ।
