देउवाले भने- सत्ता समीकरण फेरबदल हुँदैन

नेपाली कांग्रेसका सभापति शेरबहादुर देउवाले सत्ता समीकरण फेरबदल हुने कुनै सम्भावना नरहेको प्रस्ट्याएका छन् ।

बैंककबाट फर्किएर विमानस्थलमा सञ्चारकर्मीसँग उनले सत्ता समीकरण फेरबदल हुने हल्ला मात्रै भएको दाबी गरे ।

देउवा थाइल्यान्डबाट फर्किएपछि सरकार ढल्ने चर्चा चलिरहेका बेलामा उनको यस्तो प्रतिक्रिया आएको हो ।

विपक्षी दल नेता पुष्पकमल दाहालले देउवा फर्केपछि नयाँ समीकरणको लागि देउवासँग औपचारिक कुराकानी गर्ने हिजो (बिहीबार) संसदीय दलको बैठकमा आफ्ना सांसदहरुलाई ब्रिफिङ गरेका थिए ।