काठमाडौं, वैशाख १६ :
नेपाल कम्युनिष्ट पार्टी (एमाले) का प्रमुख सचेतक महेश बर्तौलाले आन्दोलनरत शिक्षकका जायज माग सम्बोधन गर्नका लागि सरकार गम्भीर रहेको बताएका छन् ।
प्रतिनिधिसभाको मंगलबारको बैठकमा शिक्षकहरुसँग तत्काल वार्ता गरी समस्याको समाधान गर्न र वार्ताबाटै विषय टुङ्गाउन आवश्यक रहेको बताए । उनले साँझसम्ममा निकास निस्कने विश्वास व्यक्त गरे ।
बर्तौलाले सदनमा उठेका विषयमाथि सरकार गम्भीर भएर शिक्षामन्त्रीले शिक्षक प्रतिनिधिहरुसँग निरन्तर छलफल र वार्ता गरिरहनुभएको बताए । आज साँझसम्ममा निकास निस्कनेमा आफू आशावादी भएको उनले बताए।
