साताको तेस्रो कारोबार दिन सेयर बजार १४.८७ अंकले घटेको छ । योसँगै नेप्से २६३४.२३ विन्दुमा रोकिएको छ ।
यस्तै (क) वर्गका कम्पनीको कारोबार मापन गर्ने सेन्सिटिभ इन्डेक्स १.४१ अंकले ओरालो लागेर ४४४.७२ अंकमा झरेको छ । आजको दिनमा ३१४ कम्पनीको एक लाख दुई हजार ४४५ पटकको कारोबारमा दुई करोड १८ लाख २८ हजार २३१ कित्ता सेयर किनबेच भए ।
जसअनुसार कारोबार रकम ९ अर्ब ६३ करोड ४८ लाख १२ हजार छ सय १२ रुपैयाँ पुगेको छ ।
नेप्सेमा आज १३ समूहको सेयर कारोबार भएकामा तीनवटाको सूचक बढ्दा बाँकी सबैको घटे ।
विकास बैंक समूहको सूचक ४७.३४ अंक, जीवन बिमा समूहको १२७.३८ र उत्पादनमूलक समूहको सूचक २४.८४ अंकले बढे ।
नेप्सेमा आज बढी कमाउने कम्पनीको सूचीमा पहिलो स्थानमा क्रेस्ट माइक्रो लाइफ इन्स्योरेन्स लिमिटेड र ओम मेगाश्री फर्मास्युटिकल्स लिमिटेड परेको छ । यी दुवै कम्पनीका सेयर मूल्य १०/१० प्रतिशतले बढे । बढी गुमाउने कम्पनीको सूचीमा नेपाल माइक्रो इन्स्योरेन्स कम्पनी लिमिटेड परेको छ ।
यसैगरी बढी रकम कारोबार गर्ने कम्पनीको सूचीमा युनिभर्सल पावर कम्पनी लिमिटेड परेको छ ।
