महोत्तरी, वैशाख ३० :
प्रहरीले महोत्तरीको बथनाहाबाट ठुलो मात्रामा प्रतिबन्धित गाँजा बरामद गरेको छ । मनरासिस्वा नगरपालिका–९ बथनाहाबाट ५९ किलोग्राम गाँजा बरामद भएको शसस्त्र प्रहरीले जनाएको छ ।
प्रहरीको पैदल गस्ती टोलीलाई देखेपछि गाँजा तस्कर र भरिया पोका छोडेर भागेका थिए । ७ वटा पोका खोलेर हेर्दा गाँजा फेला परेको प्रहरीले जनाइएको छ । बीओपी बथनाहाका सशस्त्र प्रहरी निरीक्षक योगेशकुमार खड्काको कमान्डमा रहेको प्रहरीको टोली नियमित गस्तीमा जाँदै थियो ।
