सुनसँगै चाँदीको मूल्य पनि बढ्यो, कतिमा हुँदै छ कारोबार ?

अन्तर्राष्ट्रिय बजारमा सुनचाँदीको मूल्य बढेसँगै नेपाली बजारमा पनि त्यसको प्रभाव परेको छ ।

नेपाल सुनचाँदी व्यवसायी महासंघका अनुसार हिजो (सोमबार) को तुलनामा आज (मंगलबार) सुनसँगै चाँदीको मूल्य बढेको छ । महासंघका अनुसार मंगलबार अघिल्लो दिनको तुलनामा सुन प्रतितोला दुई हजार ९०० रुपैयाँ र चाँदी ५५ ले बढेको छ ।

मंगलबार एक तोला सुनको मूल्य एक लाख ९२ हजार ७०० रुपैयाँ कायम भएको छ । यस्तै चाँदीको मूल्य मंगलबारका लागि प्रतितोला दुई हजार ४५ रुपैयाँ निर्धारण भएको छ ।

अन्तर्राष्ट्रिय बजारमा आज एक औँस सुनको मूल्य तीन हजार ३७६ डलर कायम भएको छ ।