कर्णाली प्रदेशसभा : नीति तथा कार्यक्रम प्रस्तुत गरिँदै

कर्णाली प्रदेश सरकारले आगामी आर्थिक वर्ष ०८२/८३ को नीति तथा कार्यक्रम आज (बुधबार) प्रस्तुत गर्ने भएको छ ।

कर्णाली प्रदेशसभाको छैटौं अधिवेशनको बुधबार बस्ने बैठकमा सुदूरपश्चिम प्रदेशका प्रमुख नजिर मियाँले प्रदेश सरकारको नीति तथा कार्यक्रम प्रस्तुत गर्ने कार्यसूची रहेको प्रदेशसभा सचिवालयका प्रवक्ता नेत्र कार्कीले जानकारी दिए ।

कर्णाली प्रदेश प्रमुख यज्ञराज जोशी एकसाता अघि उपचारका लागि अमेरिका गएकोले सुदूरपश्चिम प्रदेशका प्रमुख मियाँले नीति तथा कार्यक्रम प्रस्तुत गर्ने उनले बताए  । बैठक आज (बुधबार) दिउँसो ३ बजे बस्ने प्रदेशसभा सचिवालयले जनाएको छ । -रासस