अघिल्लो दिन (सोमबार) २३.१९ अंकले बढेको नेप्से साताको तेस्रो कारोबार दिन आज (मंगलबार) पनि २५.७ अंकले बढेको छ । योसँगै नेप्से २,६७८.१७ अंकमा पुगेको छ ।
यसैगरी (क) वर्गका कम्पनीको कारोबार मापन गर्ने सेन्सिटिभ इन्डेक्स पनि ५.५ अंकले बढेर ४५६.७७ अंकमा पुगेको छ । नेप्से आइतबार भने ११.६ अंकले घटेको थियो ।
नेप्सेमा आज ३११ कम्पनीका ८१ हजार ७३८ पटकको कारोबारमा दुई करोड ३६ लाख ९७ हजार १४५ कित्ता सेयर किनबेच भए । जसअनुसार कुल कारोबार रकम १० अर्ब १६ करोड नौ लाख ८१ हजार ७६ रुपैयाँ पुग्यो ।
नेप्सेमा मंगलबार १३ समूहको सेयर कारोबार भएकामा १३ वटैका सूचक बढेर नेप्से हरियाली बनेको छ ।
नेप्सेमा आज बढी कमाउने कम्पनीको सूचीमा पहिलो स्थानमा पियोर इनर्जी डेभलपमेन्ट लिमिटेड परेको छ । बढी गुमाउने कम्पनीको सूचीमा पहिलो स्थानमा रावा इनर्जी डेभलपमेन्ट लिमिटेड परेको छ ।
यसैगरी बढी रकम कारोबार गर्ने कम्पनीको सूचीमा भने हाइड्रो इलेक्ट्रिसिटी इन्भेस्टमेन्ट एन्ड डेभलपमेन्ट कम्पनीको संस्थापक सेयर परेको छ । हाइड्रो इलेक्ट्रिसिटीको अन्तिम कारोबार मूल्य २२४ रुपैयाँ कायम रह्यो ।
