काठमाडौं, जेठ २९ :
भारतको गुजरातस्थित अहमदाबादमा एयर इन्डियाको यात्रुवाहक विमान दुर्घटनाग्रस्त भएको छ ।
दुर्घटनास्थलमा दमकलका गाडीहरू पुगेका छन् । अहमदाबादको अग्निशमन विभागले घटनाको पुष्टि गरेको बीबीसी हिन्दीले समाचारमा उल्लेख गरेको छ ।
अहमदाबाद विमानस्थलको टर्मिनल १ प्रबन्धकले बीबीसी हिन्दीलाई बताएअनुसार विमानस्थल क्षेत्र बाहिर धुवाँ देखिएको थियो । त्यसपछि सम्पूर्ण टोली अनुसन्धानका लागि घटनास्थल गएको छ ।
यद्यपि बाहिर आएका तस्बिरहरूमा विमानमा आगो र धुवाँ देख्न सकिन्छ । घटनाबारे विस्तृत जानकारी आउन बाँकी छ ।
