काठमाडौं, असार २ :
नेपाली बजारमा सोमबार सुनचाँदी दुवैको मूल्य स्थिर रहेको छ ।
अघिल्लो दिन (आइतबार) ४ सय रुपैयाँले बढेर एक तोला सुनको मूल्य १ लाख ९७ हजार ५०० रुपैयाँ कायम भएको थियो । आज (सोमबार) पनि सोही मूल्यमा सुनको कारोबार भइरहेको नेपाल सुनचाँदी व्यवसायी महासंघले जनाएको छ ।
महासंघका अनुसार आजको दिनमा चाँदीको मूल्य पनि स्थिर छ । आइतबार प्रतितोला २१ सय ६५ रुपैयाँमा कारोबार भएको चाँदीको मूल्य आज पनि सोही नै कायम छ । चाँदीको मूल्य शुक्रबारदेखि नै स्थिर छ ।
