काठमाडौं, असार ३ :
यातायात व्यवस्था कार्यालयका अधिकृत कमलराज गौतममाथि भ्रष्टाचार मुद्दा दायर भएको छ ।
आठौं तहका अधिकृत गौतमले पदमा बहाल रहँदा २ करोड ५१ लाख ७८ हजार ६८७ रुपैयाँ ७१ पैसा गैरकानुनी सम्पत्ति आर्जन गरेको भन्दै अख्तियार दुरुपयोग अनुसन्धान आयोगले विशेष अदालतमा मुद्दा दायर गरेको सहायक प्रवक्ता देवीप्रसाद थपलियाले जनाए ।
उनले सार्वजनिक पदमा रहँदा गैरकानुनी सम्पत्ति आर्जन गरेको र पत्नी सरला नेपालको नाममा राखेको पाइएको पनि अख्तियारको दाबी छ ।
शेयर:
