फरार ज्योति बहादुर भण्डारीलाई प्रहरीले कम्बोडियाबाट नेपाल ल्यायो

मितेरी सहकारीको रकम अपचलन गरी फरार ज्योति बहादुर भण्डारीलाई नेपाल ल्याइएको छ ।

बुधबार राति १० बजे  भण्डारीलाई कम्बोडियाबाट पक्राउ गरी नेपाल ल्याइएको छ ।

ज्योति बहादुर भण्डारीले मितेरी सहकारीको तीन करोड ४४ लाख  र ज्योति गुरुङले ६ करोडभन्दा बढी  अपचलन गरेको आरोप छ । भण्डारी विरुद्ध इन्टरपोलबाट रेड नोटिस जारी भएको थियो । उनलाई ल्याउन नेपाल प्रहरीका अधिकृत कम्बोडिया गएका थिए ।

ललितपुर महानगरपालिका वडा नम्बर–५ स्थित महालक्ष्मीस्थानमा सञ्चालित मितेरी बचतको रकम अपचलन गरेको आरोपमा उनीबिरुद्ध प्रहरीको केन्द्रीय अनुसन्धान ब्युरोले अनुसन्धान गरिरहेको छ ।ज्योति गुरुङमाथि पनि प्रहरीले अनुसन्धान गरिरहेको छ ।