नेपाली बजारमा आज (सोमबार) सुनको मूल्य स्थिर छ । चाँदीको मूल्य भने प्रतितोला १० रुपैयाँले बढेको छ ।
सुनको भाउ सोमबार पनि प्रतितोला एक लाख ९५ हजार दुई सय रुपैयाँ नै कायम रहेको नेपाल सुनचाँदी व्यवसायी महासंघले जनाएको छ ।
महासंघका अनुसार गत शुक्रबार सुनको मूल्य प्रतितोला एक लाख ९४ हजार सात सय रुपैयाँ थियो । हिजो आइतबार एक लाख ९५ हजार दुई सय रुपैयाँ कायम रहेको सोमबार पनि सोही मूल्य कायम छ ।
यसैगरी शुक्रबारको तुलनामा आइतबार चाँदीको मूल्य प्रतितोला १० रुपैयाँले बढेको थियो । यसैगरी आइतबारको तुलनामा आज सोमबार पनि चाँदी प्रतितोला १० रुपैयाँले बढेको छ । प्रतितोला १० रुपैयाँले मूल्य बढेको चाँदी आज नेपाली बजारमा २१ सय ७० रुपैयाँमा कारोबार भइरहेको महासंघले जनाएको छ ।
आज अन्तर्राष्ट्रिय बजारमा भने सुनको मूल्य प्रतिऔंस ३ हजार ३५८ डलरमा किनबेच भइरहेको छ भने चाँदीको प्रतिऔंस ३६ डलरमा किनबेच भइरहेको छ ।
