सुनचाँदी दुवैको मूल्य घट्यो, कतिमा हुँदै छ कारोबार ?

नेपाली बजारमा आज (बुधबार) सुनचाँदी दुवैको मूल्य घटेको छ । नेपाल सुनचाँदी व्यवासायी महासंघका अनुसार बुधबार सुन प्रतितोला १३ सय रुपैयाँले घटेको छ । यसैगरी चाँदी प्रतितोला १५ रुपैयाँले घटेको छ ।

महासंघका अनुसार आज सुन प्रतितोला एक लाख ९२ हजार रुपैयाँ कायम छ । हिजो सुन प्रतितोला एक लाख ९३ हजार ३०० रुपैयाँमा कारोबार भएको थियो ।

चाँदीको मूल्य आज प्रतितोला १५ रुपैयाँले घट्दै २२ सय ६० रुपैयाँ कायम छ । चाँदी हिजो प्रतितोला २२ सय ७५ रुपैयाँमा कारोबार भएको थियो ।