अमेरिकी राष्ट्रपति डोनाल्ड ट्रम्पले ब्रिक्स देशहरूमा १० प्रतिशत कर लगाउने चेतावनी दोहोर्याएका छन् ।
डोनाल्ड ट्रम्पले भने, ‘जब मैले ६ ब्रिक्स देशहरूको बारेमा सुनेँ, मलाई लाग्यो कि उनीहरूले ठुलो क्षति बेहोरेका छन् । यदि उनीहरूले यस विषयमा अगाडि बढे भने तिनीहरू चाँडै समाप्त हुनेछन् ।’
यद्यपि ट्रम्पले यस्तो भन्दै गर्दा कुनै पनि देशको नाम भने लिएनन् । उनले भने, ‘हामी कुनै पनि देशलाई हामीसँग खेल खेल्न दिने छैनौं ।’
ट्रम्प र ब्रिक्स देशहरूबीचको विवाद यस महिनाको सुरुमै आरम्भ भएको हो । ब्रिक्स देशहरूको १७औं शिखर सम्मेलन यस महिनाको सुरुमा रियो दी जेनेरियोमा भएको थियो ।
ब्रिक्सको रियो घोषणापत्रमा ‘विश्वव्यापी शासन सुधार गर्ने’ र ‘अन्तर्राष्ट्रिय स्थिरता’ बारे कुरा गरिएको थियो । यसका साथै एकपक्षीय कर र गैरकरजस्ता मुद्दाहरूमा पनि छलफल गरिएको थियो ।
डोनाल्ड ट्रम्पले यस वर्षको सुरुमा दोस्रोपटक अमेरिकी राष्ट्रपति पद सम्हालेपछि कर युद्ध सुरु गरे ।
ब्रिक्स रियो घोषणापत्रपछि राष्ट्रपति ट्रम्पले आफ्नो सामाजिक सञ्जाल ट्रुथ खातामा पोस्ट गरे कि ‘ब्रिक्सको अमेरिकाविरोधी नीतिहरूसँग मिल्ने कुनै पनि देशलाई थप १० प्रतिशत भन्सार शुल्क लगाइनेछ । यस नीतिमा कुनै छुट हुनेछैन । यस विषयमा तपाईंको ध्यानाकर्षणको लागि धन्यवाद ।’ -बीबीसी
