सुनको मूल्य घट्दा चाँदीको बढ्यो, यस्तो छ बजार भाउ

नेपाली बजारमा आज (आइतबार) सुनको घटेको छ । यस्तै चाँदीको मूल्य भने बढेको छ ।

नेपाल सुनचाँदी व्यवसायी महासंघका अनुसार अघिल्लो दिनको तुलनामा सुन प्रतितोला २०० रुपैयाँले घटेको छ । चाँदी भने प्रतितोला ५ रुपैयाँले बढेको हो ।

महासंघका अनुसार अघिल्लो कारोबार दिन (शुक्रबार) प्रतितोला एक लाख ९९ हजार ४०० रुपैयाँमा कारोबार भएको सुनको मूल्य आज (आइतबार) २०० रुपैयाँले घटेको छ । आइतबार सुन प्रतितोला एक लाख ९९ हजार २०० रुपैयाँ कायम रहेको महासंघले जनाएको छ ।

यसैगरी चाँदीको मूल्य प्रतितोला ५ रुपैयाँले बढेको छ । चाँदीको मूल्य २३ सय ३० रुपैयाँ प्रतितोला कायम छ । अघिल्लो कारोबार दिन (शुक्रबार) चाँदी प्रतितोला २३ सय २५ रुपैयाँमा कारोबार भएको थियो ।