नेपाली बजारमा आज (सोमबार) सुनचाँदी दुवैको मूल्य घटेको छ ।
नेपाल सुनचाँदी व्यवसायी महासंघका अनुसार अघिल्लो दिनको तुलनामा सुन प्रतितोला ११ सय रुपैयाँले घटेको छ । चाँदी भने प्रतितोला १५ रुपैयाँले घटेको छ ।
महासंघका अनुसार अघिल्लो कारोबार दिन (आइतबार) प्रतितोला एक लाख ९९ हजार २०० रुपैयाँमा कारोबार भएको सुनको मूल्य आज (सोमबार) ११ सय रुपैयाँले घटेको छ । सोमबार सुन प्रतितोला एक लाख ९८ हजार १०० रुपैयाँ कायम रहेको महासंघले जनाएको छ ।
यसैगरी चाँदीको मूल्य प्रतितोला १५ रुपैयाँले घटेको छ । चाँदीको मूल्य २३ सय १५ रुपैयाँ प्रतितोला कायम छ । अघिल्लो कारोबार दिन (आइतबार) चाँदी प्रतितोला २३ सय ३० रुपैयाँमा कारोबार भएको थियो ।
