सुनको भाउ घट्यो, चाँदीको बढ्यो (मूल्यसहित)

नेपाली बजारमा आज (सोमबार) सुनको मूल्य घटेको छ । चाँदीको मूल्य भने बढेको छ । नेपाल सुनचाँदी व्यवसायी महासंघका अनुसार सुन प्रतितोला ३०० रुपैयाँले घटेको छ । चाँदीको मूल्य प्रतितोला ५ रुपैयाँले बढेको छ ।

हिजो (आइतबार) सुनचाँदी दुवैको मूल्य बढेको थियो । जसअनुसार सुन प्रतितोला २३ सय रुपैयाँ र चाँदी ४० रुपैयाँले बढेको थियो ।

महासंघका अनुसार अघिल्लो कारोबार दिन आइतबार सुनको मूल्य प्रतितोला एक लाख ९७ हजार ५०० रुपैयाँमा कारोबार भएको थियो । आज (सोमबार)  सुन प्रतितोला ३०० रुपैयाँले घट्दै एक लाख ९७ हजार २०० रुपैयाँ कायम छ ।

यसैगरी चाँदीको मूल्य प्रतितोला ५ रुपैयाँले बढ्दै २३ सय ५५ रुपैयाँ कायम छ । अघिल्लो कारोबार दिन आइतबार चाँदी प्रतितोला २३ सय ५० रुपैयाँमा कारोबार भएको थियो ।