चितवन, भदौ १९ :
चितवनको सनराइज बचत तथा ऋण सहकारी संस्थाबाट ९० करोडभन्दा बढी ठगी अभियोगमा राप्रपा सांसद गीता बस्नेत २५ लाख धरौटीमा रिहा भएकी छन्।
फरार सूचीमा रहेकी बस्नेत बिहीबार चितवन जिल्ला अदालतमा हाजिर भई बयान दिएपछि धरौटीमा छुटेकी हुन्।
सहकारी अध्यक्ष नगेन्द्रबहादुर रिमाल बस्नेतका ज्वाइँ हुन्। रिमालको बयानअनुसार सासु बस्नेतको नाममा सहकारीको पैसाबाट जग्गा किनिएको छ।
यसै प्रकरणमा संलग्न अन्य आरोपीहरूमध्ये नगेन्द्र रिमाल, योगेन्द्र पाण्डे, कृष्णप्रसाद ज्ञवाली र ढुण्डीराज गौतमलाई पहिले नै थुनामा छन्। उनीहरू नवलपरासीको छिपछिपे सहकारी ठगी मुद्दामा पनि संलग्न रहेको हुँदा हाल भरतपुर कारागारमा थुनामा छन्।
